Hiruki Larroxa, jendarte eraldaketarako pentsamendu kritikoa sustatzea bilatzen duen kooperatiba da. Horretarako, gaur egungo jendarte ereduan ematen diren botere harreman asimetrietan eta zapalkuntza sistemetan fokua jartzen dugu, harreman parekideak sustatzeko proiektu integralak garatuz.
Gure Moduak
Guretzat garrantzitsua da gure lan egiteko modua zein den azaltzea. Horregatik, gure egitekoan zentralitatea izatea nahi duguna zaintza eta elkarrekiko aitortza da.
Gure lan jarduna transfeminismoan kokatzen den momentutik, zaintzari, eta historikoki zaintza lanetaz arduratu diren emakumeei, bizigarriak diren bizitzak ahalbidetu eta errazteaz gabiltza: prozesuari kasu egiteaz, ondokoa entzuteaz, erritmoak errespetatzeaz, giza eskubideak borrokatzeaz…etab. Horregatik, gure egiteko moduetan ere bizitzak erdigunean jartzea da nahia.
